كليه طب الأزهر بأسيوط
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


كل ما يخص طلبه الطب البشري من محاضرات وكتب ومراجع لجميع التخصصات
 
الرئيسيةبحـثالتسجيلدخول
°•.♥.• °لا تقراء وترحل شارك معانا ولو بالرد فكلمه الشكر تجعلنا على استعداد اكبر للعطاء °•.♥.• °

شاطر | .
 

 أيام وبنعيشها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Mohammed Moaaz
عضو فعال
عضو فعال
avatar

الجنس : ذكر
عدد الرسائل : 129
العمر : 30
الفرقه : الرابعة
رصيدي في المنتدي : 130
تاريخ التسجيل : 23/05/2010

مُساهمةموضوع: أيام وبنعيشها   27/5/2010, 8:43 pm

بسم الله الرحمن الرحيم
اتعطلت العربية اللى سايقها الاخ جون والأخ جاك والاخ الغريب أبو جسم ضخم اللى الدكتور اليخاندرو خلاه ييجى مع جون وجاك
كان الدكتور اليخاندرو عالم كبير فى أدغال امريكا , وجون وجاك ماهم إلا طلبة صغيرين عند الدكتور الكبير
قرر الاتنين دول انهم يمشوا شوية فى الادغال لعل وعسى يلاقوا شىء ذى أهمية يعملوا عنها بحث ويرضوا بيه الدكتور بتاعهم
المهم العربية بتاعتهم اتعطلت فى حتة مقطوعة أوى , وطبعا كعادة الأفلام الاجنبى الهابطة بيبصوا يلاقوا البوصلة مش شغالة , كذلك البنزين بتاع العربية خلص , مش كده وبس , ده كمان الموبايلات مش متلقيه أى إشارة
فأكيد أنا كمان هقول فى القصه بتاعتى ده ان ده فعلا اللى حصل
قعد جون وجاك والراجل الغريب ده يتوغلوا فى الأدغال , يشوفوا أشجار عمرهم ما شافوها فى حياتهم وتقريبا الدكتور بتاعهم نفسه مشافهاش فى حياته
عدى النهار كله ليهم وهما مش عارفين هما فين ولا قادرين يحددوا قرار يمشوا وراه , طبعا كانوا مفكرين الاتنين ان الراجل الغريب اللى معاهم ده انه طوب وطين , ده حتى مكلفوش نفسهم يسألوه عن اسمه , لقوه هو اللى معاه اكل يكفى كذا يوم بداوا يتكلموا مع بعض وقعدوا واسترخوا فوق فرع شجرة صفصصاف كبيرة عشان فعلا الليل بدأ يدخل واصوات الحيوانات الأمريكية أو ممكن الامريكيين الحيوانيين يعلى ويخوف
فالراجل الكبير ده بيحكيلهم بيقولهم :
انتوا مفكرين نفسكوا عشان درستوا فى جامعات وبدأتوا تعملوا الماجستير فى الحيوانات والطبيعة ان انتوا هتكون عارفين أدى ؟
ابتسموا الاتنين فى سرهم , وقالوله : طب احكيلنا يا عم ايه اللى انت تعرفه ؟
قالهم : تصدقوا بعد اكتر من 150 رحلة برية طلعتها مع دكاترة كبار أوى , اكتشفت ايه ؟
قالوله : ايه بقا ؟
قالهم : ان لكل بنى آدم خلقه ربنا حيز معين من الحرية , ميقدرش يتخطاه , ولا يفكر فى تخطيه أساسا , وإذا فكر فى تخطيه هيتعب نفسيا , وإذا بدأ فعلا فى تخطيه هيتعب بدنيا , وإذا تخطاه فعلا هيكون مشروط بهلاكه
قالوله : HOW?
قالهم : I WILL أوضحلكم
مثلا السمك فى البحر , ربنا خالقه فى البحر , تنفسه وطعامه وتكاثره فى المية , ميفكرش عمره انه يتخطا الحيز ده , حيزه المية يسبح فيها براحته , غير كده ميقدرش
كذلك الوحوش الكبيرة تقدر تتعدى على الكائنات اللى أضعف منها , بل وتقدر تتعدى على الوحوش اللى أضعف منها

ربنا خلق الكائنات الحية كلها , وكل كائن خلقله حيز معين من الحرية ,
وكان أصغر الكائنات حيزا من الحرية هو الكائن وحيد الخلية زى الاميبا والفطريات وغيرها
ثم النباتات , ثم الحيوانات بالترتيب لحد ما نوصل لاكبر كائن أخد أكبر حيز من الحرية وهو الإنسان
الإنسان من بداية سيدنا آدم عليه السلام وفكر ياكل ويشرب وينام , ثم بعد كده معجبوش انه يعيش لكده وبس فبدأ ينوع نشاطاته , فمنهم اللى نشاطه كان فى الخير ومنهم اللى نشاطه كان فى الشر , منهم اللى قرر يصنع لبس يدارى بيه عورات الناس , ومنهم اللى قرر يصنع حديد وسكاكين يقتلوا بيها بعض ,
منهم اللى قرر يجازف بحياته ويستانس أكثر الحيوانات خطورة فى الوجود , منهم نجح ومنهم فشل أو نقول هلك ,

اتعدل الولدين الصغيرين فى قعدتهم بعد اللى سمعوه من الراجل العالم الكبير ده , وحسوا فعلا ان هما لسة حيز الحرية بتاعهم ممشيوش فيه غير مساحة صغيرة جدا , أما الراجل ده فمشى فى حيز حريته كتير جدا جدا
بس الحمد لله مقررش يتخطاه
بس تقريبا مجرد انه يقعد فوق عرف شجرة كبيرة وتحتيه الأسود والفهود والنمور فده تعدى لحيز حريته
بس أهه خلاص التليفون بتاعهم بدأ يلقط شبكة , وأهه الواد جاك قال لجون هو رقم الدكتور اليخاندرو الفودافون ايه ؟ , أحسن أنا مش معايا غير رقمه الأتصالات بس , ومش معايا رصيد غير لفودافون بس
قاله : خد أهه : يتك نيلة فيك انت وهو , مش قلتلك ابقا حول رصيد قبل ما نركب العربية
قاله : أصلى مستلف ستة جنيه , ومش هينفع أشحن غير عشرة كاملة , انت فاهم
اتصلوا بالدكتور وجه خدهم باللعربيه اللادا بتاعته , ورجعوا متبهدلين لبيوتهم
وفى الصبح راح جون لمكتب الدكتور اليخاندرو وقرر يغير موضوع البحث بتاعه ويكتب فى مساحات حرية الكائنات
أما جاك فاتأخر فى الحمام فعشان كده محكاليش بصراحة هو ناوى على ايه
أما الراجل الضخم ده طلع اسمه هوك



وأنا محمد معاذ
بس
الرجوع الى أعلى الصفحة اذهب الى الأسفل
اتش
مشرف قسم ساحه النقاش العام
مشرف قسم ساحه النقاش العام
avatar

الجنس : انثى
عدد الرسائل : 228
العمر : 28
الفرقه : الثالثه
رصيدي في المنتدي : 243
تاريخ التسجيل : 01/05/2010

مُساهمةموضوع: رد: أيام وبنعيشها   28/5/2010, 1:27 pm


القصه جميله يادكتور.... تسلم ايدك ..

بس انت موضحتش حيز الحرية اللى بيمتلكه الانسان ..

بيتهيألى لو كنت اتكلمت عليه .. كان الهدف من القصه هايبقى اجمل ..

جزاك الله خيرا ..
الرجوع الى أعلى الصفحة اذهب الى الأسفل
الدكتور/محمد الحنفى
 
 
avatar

الجنس : ذكر
عدد الرسائل : 283
العمر : 32
الفرقه : الشامله
رصيدي في المنتدي : 296
تاريخ التسجيل : 09/04/2009

مُساهمةموضوع: رد: أيام وبنعيشها   28/5/2010, 5:05 pm

اية الحلاوة دى يا ميزو

الله ينور عليك

بس حاول اعادة النظر فى الكلام تانى

وشكرا
التوقيع

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 

أيام وبنعيشها

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كليه طب الأزهر بأسيوط :: منتديات عامه :: واحه الشعر والادب :: إبداعات الأعضاء-